ویاہ دا خاہشمند نوجوان کھمبے اُتے چڑھ گیا

ویاہ دا خاہشمند نوجوان کھمبے اُتے چڑھ گیا

کراچی(پاکستان پوائنٹ نیوز05۔دسمبر۔2018ء) کراچی وچ اک نوجوان کھمبے اُتے چڑھ گیا۔ میڈیا رپورٹس وچ دسیا گیا اے کہ کراچی وچ اک نوجوان کھمبے اُتے چڑھ گیا جیہنوں ویکھدے ای کئی لوک اوتھے جمع ہو گئے پر نوجوان نے کسے وی صورت وچ کھمبے توں ہیٹھاں لتھن توں انکار کیتا ۔ علاقے دا کونسلر وی نوجوان نوں منان لئی آیا پر نوجوان نہ لھتیا تے آکھیا کہ میرے نال فون اُتے گل کرو۔

نوجوان نے کھمبے توں فونر نمبر سُٹیا تے آکھیا کہ جیہنے وی گل کرنی اے فون راہیں کرو۔ نوجوان دا ناں شاکر دسیا گیا اے۔ جو کراچی دے علاقے کورنگی دی اک فیکٹری وچ ملازم اے۔ نوجوان دی موٹر سائیکل توں نشے دا سامان وی برآمد ہویا ۔ جیہدے توں لگا کہ اوہ نشے دا عادی اے۔ کھمبے اُتے چڑھے نوجوان دا آکھنا سی کہ میرا ویاہ کروایا جائے، پر نوجوان دے بیان وی بدلے رہے۔ کدی نوجوان آکھدا رہیا کہ میرا ویاہ کرواؤ تے کدی آکھدا رہیا کہ علاقے دا ایس ایچ او بدلو ۔دوجے پاسے پولیس نے نوجوان تے اوہدی موٹر سائیکل قبضے وچ لے لئی اے۔