اسلام آباد(پاکستان پوائنٹ نیوز05۔دسمبر۔2018ء) وزیر اعظم عمران خان نال آرمی چیف جنرل قمر جاوید باجوہ نے ملاقات کیتی اے۔ تفصیل دے مطابق اج وزیر اعظم عمران خان نال آرمی چیف جنرل قمر جاوید باجوہ نے ملاقات کیتی اے۔ملاقات دوران ملک دی داخلی تے خارجی سکیورٹی سنے خطے دی صورتحال بارے گل بات کیتی گئی۔ وزیر اعظم عمران خان نال ملاقات دوران آرمی چیف جنرل قمر جاوید باجوہ نے پاک فوج دیاں پیشہ وارانہ تیاریاں بارے وزیر اعظم نوں آگاہ کیتا۔
وزیر اعظم تے آرمی چیف دی ملاقات وچ افغانستان دی سکیورٹی صورتحال تے مفاہتی پالیسی بارے وی گل بات کیتی گئی۔ ملاقات دوران ملک بھر وچ دہشت گرداں خلاف جاری آپریشنز تے ملک دی مجموعی سکیورٹی صورتحال بارے وی غور کیتا گیا۔ایس موقعے اُتے وزیر اعظم عمران خان دا آکھنا سی کہ پاکستان خطے وچ امن دے قیام لئی اپنا کردار نبھاندا رہوے گا۔
