اسلام آباد(پاکستان پوائنٹ نیوز05۔دسمبر۔2018ء) سپریم کورٹ وچ اج آئی جی اسلام آباد تبادلا کیس دی سنوائی ہوئی۔ سنوائی دوران چیف جسٹس آف پاکستان جسٹس ثاقب نثار نے آکھیا کہ اسیں اعظم سواتی دا جواب پڑھ لیا اے۔ آرٹیکل 62ون ایف دے تحت عدالت آپ ٹرائل کرے گی۔ اوہناں دا آکھنا سی کہ تُسیں حاکم وقت او، کیہ حاکم محکوم نال انج دا سلوک کردے؟کیہ حاکم مجھاں دی وجہ توں سواناں نوں جیل گھلدے نیں؟کیوں نہ اعظم سواتی نوں ملک لئی اک مثال بنائیے۔
چیف جسٹس نے آکھیا کہ آئی جی صاحب!تُسیں ایس معاملے اُتے کوئی ایکشن نہیں لیا۔ جیہدے اُتے آئی جی اسلام آباد نے جواب دتا کہ معاملا عدالت وچ اے، ایس لئی الیکشن نہیں لیا۔ چیف جسٹس نے آکھیا کہ تُسیں لاپرواہی ورتی اے۔ چیف جسٹس نے اعظم سواتی نوں آکھیا کہ تُسیں آرٹیکل 62ایف ون دے تحت کارروائی لئی تیار ہو جاؤ۔یاد رہوے کہ پچھلے دیہاڑے وفاقی زیر اعظم سواتی لئی بنائی گئی جے آئی ٹی نے اپنی رپورٹ پیش کیتی سی۔
