عمران خان دے کراراے جواب نے ڈونلڈ ٹرمپ نوں سوچن لئی مجبور کیتا

عمران خان دے کراراے جواب نے ڈونلڈ ٹرمپ نوں سوچن لئی مجبور کیتا

اسلام آباد(پاکستان پوائنٹ نیوز04۔دسمبر۔2018ء) وفاقی وزیر برائے انسانی حقوق شیریں مزاری دا آکھنا اے کہ امریکی صدر دے جارحانہ ٹویٹس اُتے وزیراعظم عمران خان دے کراراے جواب نے ای ڈونلڈ ٹرمپ نوں سوچن اُتے مجبور کیتا تے اوہناں نے وزیر اعظم نوں خط لکھ کے افغانستان وچ امن دے قیام لئی پاکستان دی مدد منگی۔ ایس گل دا اظہار اوہناں نے اپنے اک ٹویٹ وچ کردے ہوئے آکھیا کہ وزیر اعظم عمران خان دے جواب نے امریکی صدر نوں جارحانہ بیان مگروں سوچن اُتے مجبور کیتاتے اوہناں نے وزیر اعظم نوں خط لکھ کے افغانستان وچ امن دے قیام لئی پاکستان دی مدد منگی۔

وفاقی وزیر دا ہور آکھنا سی کہ عمران خان دے جوابی بیان اُتے پاکستان وچ ڈر کے کنبن والیاں لئی ٹرمپ دے خط وچ بہت کُجھ اے۔یاد رہوے کہ پچھلے دیہاڑے وزیر اعظم عمران خان نے پرچا کاراں نال گل بات کردے ہوئے انکشاف کیتا سی کہ اوہناں نوں امریکی صدر دا خط ملیا اے۔ خط دے متن وچ ایہ وی لکھیا گیا اے کہ پاکستان طالبان نوں مذاکرات دی میز اُتے لیائے۔

وزیر اعظم عمران خان دا آکھنا سی کہ جنوبی پنجاب دے معاملے وچ ساڈی دلچسپی اے تے ہوسکدا اے کہ ملک وچ ویلے توں پہلاں الیکشن ہون، جدوں کہ آن والے دس دناں وچ وزارتاں وی بدلیاں جا سکدیاں نیں۔ اوہناں نے ہور آکھیا کہ میں کوئی اقربا پروری نہیں کیتی۔ زلفی بخاری دے معاملے اُتے اقربا پروری دے ریمارکس اُتے دُکھ ہویا۔ وزیر اعظم عمران خان نے منی لانڈرنگ دے حوالے نال گل بات کردے ہوئے آکھیا کہ اسیں منی لانڈرنگ اُتے سخت قانون لیا رہے آں جیہدے وچ وڈے وڈے لوک ساہمنے آن گے۔ پر اجے وڈے وڈے لوک ناں ساہمنے آن توں ڈر رہے نیں۔