کراچی(پاکستان پوائنٹ نیوز04۔دسمبر۔2018ء) سپریم کورٹ کراچی رجسٹری نے اہم ترین فیصلا کردے ہوئے ملٹری زمین اُتے شادی ہالز تے تجارتی سرگرمیاں غیر قانونی قرار دے دتیاں۔ تفصیل دے مطابق سپریم کورٹ کراچی رجسٹری وچ جسٹس گلزار احمد دی سربراہی وچ اہم ترین اجلاس ہویا۔ عدالت نے حکم دتا کہ فوج دی زمین توں شادی ہالز تے تجارتی مرکزاں نوں چھیتی ختم کیتا جائے۔
عدالت ولوں آکھیا گیا کہ ذکر کیتیاں گئیاں زمیناں دفاعی مقصداں لئی لِتیاں گئیاں سن اوہناں دی کمرشل ورتوں کیویں کیتی جا سکدی اے۔ اجلاس وچ ایس گل اُتے نوٹس لیا گیا کہ کراچی وچ فوج نوں دتی گئی دفاعی مقصداں لئی زمین کاروباری مقصداں لئی ورتی جارہی اے۔ایس بارے جسٹس گلزار حمد ولوں تشویش دا اظہار کیتا گیا۔ جسٹس گلزار احمد نے ڈائریکٹر کنٹونمنٹ نوں ہدایت کیتی کہ دفاعی مقصداں لئی لِتی گئی زمین نوں کلیئر کروایا جائے تے جس مقصد لئی ایہ زمین لئی سی صرف اوس مقصد لئی اوہنوں ورتیا جائے۔
عدالت دا آکھنا سی کہ انج دی زمین دا کمرشل استعمال غیر قانونی اے۔ایس زمین اُتے جو ہسپتال، پارکاں بننیاں سن اوہ بنائیاں جان۔ایس موقعے اُتے ریمارکس دتے گئے کہ ہسپتالاں دی زمین اُتے شادی ہال بنا دتے گئے نیں۔
