لاہور(پاکستان پوائنٹ نیوز04۔دسمبر۔2018ء) سینئر تجزیہ کار و پرچا کار کامران خان نے آکھیا اے کہ پاکستانی سٹاک مارکیٹ دی گنتی ایشیا دی بدترین مارکیٹ وچ ہون لگی اے تے ایہدا سارا کریڈٹ پاکستان تحریک انصاف دی حکومت نوں جائے گا۔ اوہناں نے نجی ٹی وی اُتے اپنے پروگرام وچ گل بات کرد ے ہوئے آکھیا کہ ڈالر دی قدر ودھن نال پاکستان سٹاک ایکسچینج دا انڈیکس 3.3ڈگیا اے۔
جیہدے مگروں کاروبار تے تجارت نال جُڑے لوک بہت گھبرائے ہوئے نیں۔ اوہناں دا آکھنا سی کہ ایہدا کریڈٹ پاکستان تحریک انصاف دی حکومت نوں جائے گا کہ سٹاک مارکیٹ دی ایس مندی دی وجہ توں پاکستان دی سٹاک مارکیٹ دی گنتی ایشیا دی سبھ توں بدترین مارکیٹ وچ ہون لگی اے۔ کامران خان نے آکھیا کہ ڈالر دی قدر ودھن نال پاکستان سٹاک ایکسچینج دا انڈیکس 3.3ڈگیا اے۔
جیہدے مگروں کاروبار تے تجارت نال جُڑے لوک بہت گھبرائے ہوئے نیں۔جدکہ پچھلے تن دناں وچ رُپئے دی قدر تن فیصد گھٹ ہوئی اے۔جمعے دے دیہاڑے سٹیٹ بنک نے شرح سود وچ وی ڈیڈھ فیصد وادھا کر دتا سی جیہدے مگروں بنیادی شرح سود 10فیصد ہو گئی اے۔ اوہناں دا آکھنا سی کہ سرمایہ کاراں لئی نویں پراجیکٹ لانا بہت مشکل ہو گیا اے۔ کامران خان نے آکھیا کہ عمران خان حکومت وچ اک کروڑ نوکریاں دین دے وعدے نال آئے سن پر اوہناں دے 100دناں وچ لوکاں دے روزگار تباہ ہوگئے نیں۔ کامران خان نے آکھیا کہ ملک بھر وچ تجاوزات خلاف آپریشن ہویا اے جیہدے وچ لکھاں لوکاں دا کاروبار تباہ ہو گیا اے۔
