لاہور(پاکستان پوائنٹ نیوز04۔دسمبر۔2018ء) پاکستان تحریک انصا ف نے افتخار چودھری دی اہم وکٹ ڈیگ دتی، ایڈووکیٹ عبدالوہاب بلوچ تحریک انصاف وچ رلتی ہوگئے۔ میڈیا رپورٹس دے مطابق پاکستان جسٹس اینڈ ڈیمو کریٹک پارٹی دے مرکزی جنرل سیکرٹری ایڈووکیٹ عبدالوہاب بلوچ تے تحریک انصاف دے رہنما نعیم الحق وچکار ملاقات ہوئی اے۔ ملاقات دوران عبدالوہاب بلوچ نے تحریک انصاف وچ رلتی ہون فیصلا کیتا۔
عبدالوہاب بلوچ نے عمران خان خلاف ساریاں عدالتاں توں نااہلی دے مقدمے واپس لین دا وی اعلان کیتا اے۔ یاد رہوے کہ ایڈووکیٹ عبدالوہاب بلوچ ولوں پاکستان تحریک انصاف دے چیئرمین عمران خان دی حلقہ این اے 243توں نامزدگی نوں چیلنج کیتا گیا سی۔ عبدالوہاب بلوچ ولوں عمران خان دے الیکشن لڑن اُتے پابندی لان دی درخاست وی دتی گئی سی۔ درخاست وچ آکھیا گیا سی کہ جو بندہ اپنی دھی نوں نہیں قبول کردا اوہنوں الیکشن لڑن داوی حق نہیں اے۔ درخاست وچ آکھیا گیا سی کہ عمران خان نے انتخابی کاغذات نامزدگی وچ سچ لُکایا تے امریکی سوانی نال بغیر ویاہ دے پیدا ہون والی دھی ٹیریان دا ذکر نہیں کیتا، جیہدے مگروں اوہ ہن صادق و امین نہیں رہے ۔ایس لئی اوہناں نوں نااہل قرار دتا جائے۔
