لاہور(پاکستان پوائنٹ نیوز04۔دسمبر۔2018ء) تحریک لبیک دے خلاف کریک ڈاؤن وچ گرفتار کیتی گئی اہم شخصیت جیل وچ فوت ہو گئی۔ میڈیا رپورٹس وچ دسیا گیا ا ے کہ تحریک لبیک پاکستان دے سرپرست پیر افضل قادری دے ماموں و بزرگ عالم دین مولانا مفتی حافظ یوسف حافظ آباد جیل وچ فوت ہو گئے نیں۔ مولانا مفتی حافظ یوسف نوں دس دن پہلاں تحریک لبیک دے خلاف کریک ڈاؤن دوران گجرات توں اوہناں دے مدرسے وچوں گرفتار کیتا گیا سی۔
جیل حکام نے قانونی کاررائی مگروں مرحوم دی میت وارثاں دے حوالے کر دتی اے۔ اوہناں دی نمازہ جنازہ گجرات وچ پڑھی جائے گی۔ مرحوم دے دوہترے عثمان قادری دے مطابق مولانا مفتی حافظ یوسف نوں مرکز اہلسنت لکھنوال نزد جلالپور جٹاں ضلع گجرات توں گرفتار کیتا گیا ۔ مرحوم دی عمر 80ورھے سی ۔ مولانا مفتی حافظ یوسف بیمار سن ، جدوں اوہناں نوں گرفتار کیتا گیا۔
