انٹر بنک مارکیٹ وچ ڈالر تگڑاہوگیا

کراچی(پاکستان پوائنٹ نیوز03۔دسمبر۔2018ء) انٹر بنک مارکیٹ وچ ڈالر دے مقابلے وچ رُپئے دی قدر وچ وادھا،انٹر بنک مارکیٹ وچ ڈالر139.05توں گھٹ ہو کے136رُپئے دا ہوگیا اے۔ میڈیا رپورٹس دے مطابق انٹر بنک مارکیٹ وچ ڈالرتگڑا ہو گیا اے ۔پر دوجے پاسے پاکستانی سٹاک ایکسچینج وچ کاروبار دی شروعات وچ ای 100انڈیکس وچ 1300یونٹس دی کمی ویکھن وچ آئی۔100انڈیکس 39ہزار 200رُپئے اُتے آیا۔یاد رہوے کہ نومبر دے آخیر تیکر مہنگائی وچ دوگنا وادھا ہویا۔ اک ای ہفتے وچ ڈالر دی قیمت وچ 5.06رُپئے تیکر دا وادھا ویکھن نوں ملیا۔پچھلے ہفتے دے آخیر اُتے سعودی ریال 37.06رُپئے،یورو158.17رپئے تے برطانوی پاؤنڈ 177.85رُپئے دا رہیا۔