سوات(پاکستان پوائنٹ نیوز03۔دسمبر۔2018ء) سوات وچ گیس توں محروم شہریاں لئی اک چُلھا متعارف کروا دتا گیا۔ تفصیل دے مطابق خیبرپختونخوا دے ضلع سوات وچ سردیاں آؤندے ای چُلھا گیزر دی مقبولیت دی منگ وچ وادھا ہوگیااے۔ گیس توں محروم شہریاں نے چُلھا گیزر دیاں دُکاناں دا رُخ کرلیااے۔ ایس چُلھا گیزر دے استعمال کولوں اک ویلے وچ دو کم لِتے جا سکدے نیں۔
لوک ایس چُلھے دی مدد نال نہ صرف پانی گرم کر سکدے نیں بلکہ روٹی وی پکا سکدے نیں۔ایس چُلھے نوں چلان لئی صرف تھوڑی جیہی لکڑی بال کے کم چلایا جا سکدا اے۔ دن بھر دی محنت نال تیار ہون والا ایہ دیسی گیزر صرف 20ہزار رُپئے دا وِک رہیا اے۔ دُکاندراں دا آکھنا اے کہ اسیں تن ویلے کم کر کے اک چُلھا تیار کردے آں۔ دُکانداراں نے حکومتی توجہ ایس پاسے دواندے ہوئے آکھیا کہ جے حکومت ایس پاسے دھیان دیوے تے اسیں ایہدا کارخانہ لا دئیے تے سینکڑیاں دے حساب نال چُلھے تیار ہو سکدے نیں، جیہناں نوں ٹھنڈے علاقیاں وچ رہن والے لوک آسانی نال ورت سکدے نیں۔
