لاہور(پاکستان پوائنٹ نیوز03۔دسمبر۔2018ء) وزیر اعظم عمران خان نے سینئر پرچا کار و اینکر پرسنز نال ملاقات کردے ہوئے اک انٹرویو ریکارڈ کروایا اے ۔ ایس انٹرویو وچ وزیر اعظم عمران خان نے کئی اہم انکشافات کیتے نیں۔ میڈیا رپورٹس دے مطابق وزیر اعظم نے ملک دی سیاسی تے معاشی صورتحال تے خارجا امور بارے تفصیلی گل بات کیتی۔وزیر اعظم عمران خان دا آکھنا اے کہ جنوبی پنجاب دے معاملے وچ ساڈی دلچسپی اے تے ہوسکدا اے کہ ملک وچ ویلے توں پہلاں الیکشن ہون، جدوں کہ آن والے دس دناں وچ وزارتاں وی بدلیاں جا سکدیاں نیں۔
اوہناں نے ہور آکھیا کہ میں کوئی اقربا پروری نہیں کیتی۔ زلفی بخاری دے معاملے اُتے اقربا پروری دے ریمارکس اُتے دُکھ ہویا۔ وزیر اعظم عمران خان نے منی لانڈرنگ دے حوالے نال گل بات کردے ہوئے آکھیا کہ اسیں منی لانڈرنگ اُتے سخت قانون لیا رہے آں جیہدے وچ وڈے وڈے لوک ساہمنے آن گے۔ پر اجے وڈے وڈے لوک ناں ساہمنے آن توں ڈر رہے نیں۔اوہناں نے آکھیا کہ جے اپوزیشن نال نہیں چلنا چاہندی تے نہ چلے شہباز شریف نوں پبلک اکاؤنٹس کمیٹی دا چیئرمین نہیں بناواں گے۔
