اسلام آباد(پاکستان پوائنٹ نیوز03۔دسمبر۔2018ء) وزیر اعظم ہاؤس دے وسلیاں نے وزیر خزانہ اسد عمر دے استعفے دی تردید کردتی اے، وسیلیاں نے آکھیا کہ وزیر خزانہ اسد عمر نے استعفا نہیں دتا، استعفے بارے خبراں وچ کوئی سچائی نہیں اے۔ میڈیا رپورٹس دے مطابق وفاقی وزیر خزانہ اسد عمر دے استعفا دین دیاں خبراں وچ کوئی سچائی نہیں اے۔ وسیلیاں دا آکھنا اے کہ وزیر خزانہ اسد عمر نے استعفا نہیں دتا۔
ایس طرحاں وزارت خزانہ دے وسیلیاں دا آکھنا اے کہ وزیر خزانہ اسد عمر تے مشیر اقتصادی امور عبدالرزاق داؤد وچکار جھیڑے دیاں خبراں وچ وی کوئی سچائی نہیں اے۔ صحت مند بحث پارٹی کلچر دا حصہ اے۔ انج دی بحث ہوندی رہندی اے۔ وزیر خزانہ نے استعفا دتا اے نہ دین دا فیصلا کیتا اے۔یاد رہوے کہ ڈالر دی قیمت ودھن تے ملکی معیشت نوں سنبھالا نہ دین اُتے مشیر اقتصادی امور عبدالرزاق داؤد تے وزیر خزانہ اسد عمر وچکار جھیڑے دیاں خبراں ساہمنے آ ئیاں سن پر وسیلیاں نے ایس جھیڑے دیاں خبراں نوں رد کرن دے نال نال وزیر خزانہ اسد عمر دے استعفے دیاں خبراں نوں وی رد کیتا اے۔