لاہور(پاکستان پوائنٹ نیوز03۔دسمبر۔2018ء) لاہور ہائی کور ٹ نے حکومت نوں گورنر ہاؤس دیاں کندھاں ڈھان توں روک دتا۔جسٹس مامون الرشید نے حکم امتناع جاری کردے ہوئے آکھیا کہ دسیا جائے کندھ ڈھان دا حکم کیہنے دتا؟عدالت دے حکم تیکر ہُن اک اِٹ وی نہ ہلائی جائے۔ میڈیا رپورٹس دے مطابق حکومت دا گورنر ہاؤس دیاں کندھاں ڈھان دا عمل گلے پے گیا اے۔ لاہور ہائی کورٹ نے حکومت نوں گورنر ہاؤس دیاں کندھاں ڈھان توں ڈَک دتا اے۔
لاہور ہائی کورٹ دے جسٹس مامون الرشید نے شہری دی درخاست اُتے گورنر ہاؤس دیاں کندھاں ڈھان بارے حکم امتناع جاری کر دتا اے۔ لاہور ہائی کورٹ دے جسٹس مامون الرشید نے شہری دی درخاست اُتے حکم امتناع جاری کیتا۔ جسٹس مامون الرشید نے آکھیا کہ دسیا جائے کندھ ڈھان دا حکم کیہنے دتا؟عدالت دے حکم تیکر ہُن اک اِٹ وی نہ ہلائی جائے۔سپریم کورٹ دا حکم اے کہ انج دے اقدامات لئی کابینہ دی منظوری ضروری اے۔
عدالت نے پُچھیا کہ کیہ گورنر ہاؤس دیاں کندھاں ڈھا دتیاں گئیاں نیں؟جیہدے اُتے درخاست گزار دے وکیل نے دسیا کہ جی گورنر ہاؤس دیاں کندھاں ڈھان دا کم شروع ہو گیا اے۔حکومتی وکیل نے دلائل دتے کہ وزیر اعظم نے کندھاں ڈھان دا آکھیا اے، گورنر ہاؤس نوں ڈھان دا نہیں آکھیا۔ جیہدے اُتے جسٹس مامون الرشید نے آکھیا کہ تہاڈا مطلب اے کہ شاہی قلعہ وی تاریخی ورثہ اے اوہدی کندھ نہیں،تے کیہ اوہدیاں کندھاں وی ڈھا دیو گے۔
