پاکستان دی سبھ توں مشہور موٹر سائیکل کمپنی نے موٹر سائیکلاں دیاں قیمتاں وچ وادھا کر دتا

پاکستان دی سبھ توں مشہور موٹر سائیکل کمپنی نے موٹر سائیکلاں دیاں قیمتاں وچ وادھا کر دتا

اسلام آباد(پاکستان پوائنٹ نیوز01۔دسمبر۔2018ء) پاکستان دی سبھ توں مشہور موٹر سائیکل کمپنی نے موٹر سائیکلاں دیاں قیمتاں وچ وادھا کر دتا، ہنڈا اٹلس ولوں کئی ماڈلز دیاں قیمتاں وچ ڈھائی ہزار رُپئے توں لے کے 22ہزار رُپئے تیکر وادھا کیتا گیا اے۔ تفصیل دے مطابق پاکستان وچ پچھلے کُجھ مہینیاں دوران ڈالر دی قدر وچ وادھے مگروں آٹو سیکٹر وی گڈیاں تے موٹر سائیکلاں دیاں قیمتاں وچ وادھا کر رہیا اے۔

موٹر سائیکل نوں غریب دی سواری آکھیا جاندا اے پر پچھلے کُجھ مہینیاں دوران کئی ماڈلز دیاں موٹر سائیکلاں دیاں قیمتاں وچ وی وادھا کیتا گیا اے۔ہنڈا 150سی سی دی قیمت 8ہزار رُپئے وادھے نال1لکھ 87ہزار رُپئے، ہنڈا70سی سی موٹر سائیکل دی قیمت 66ہزار900رُپئے توں ودھ کے 69ہزار 500رُپئے ہو گئی جدکہ سبھ توں ودھ وادھا ہنڈا سی جی 125دی قیمت وچ ویکھن نوں آیا جیہدی قیمت 22ہزار رُپئے وادھے نال ہن 1لکھ14500رُپئے ہو گئی اے۔ ماہرین دے مطابق ہنڈا کمپنی ولوں قیمتاں وچ وادھے مگروں ہور موٹر سائیکل بنان والیاں کمپنیاں نے وی قیمتاں وچ وادھے لئی ہتھ پیر مارنے شروع کر دتے نیں۔ قیمتاں وچ ہون والے وادھے نال ہیٹھلے طبقے دی سواری ہور مہنگی ہو جائے گی۔