کراچی(پاکستان پوائنٹ نیوز01۔دسمبر۔2018ء) پچھلے دیہاڑے ڈالر دی قیمت وچ 8رُپئے دا وادھا ہویا، جیہدے مگروں ڈالردی قیمت 142رُپئے ہوگئی۔ تفصیل دے مطابق رُپئے دی قدر وچ کمی آئی تے ڈالر سنے ساریاں غیر ملکی کرنسیاں دے ریٹ وی ودھ گئے نیں۔ نومبر دے آخیر تیکر مہنگائی وچ دوگنا وادھا ہویا۔ اک ای ہفتے دوران ڈالر دی قیمت وچ 5.06رُپئے دا وادھا ہویا۔ ہفتے دے آخیر اُتے سعودی ریال دی قیمت 37.06رُپئے،یورو158,17رُپئے تے برطانوی پاؤنڈ177.85رُپئے دا ہوگیا۔
جدکہ کاروبار ہفتے دے آخیر اُتے ڈالر 139رُپئے دا رہیا۔ سٹیٹ بنک دی مانیٹری پالیسی دی رپورٹ دے مطابق ملک وچ مہنگائی دی شرح وچ وادھا ہویا اے۔ گیس ریٹ ودھن نال وی ملک وچ مہنگائی ہوئی اے ۔ ایس توں وکھ سیمنٹ تے سریے دی قیمت ودھن نال تعمیری لاگت وچ وی وادھا ہویا۔
