کراچی(پاکستان پوائنٹ نیوز01۔دسمبر۔2018ء) کراچی وچ بغیر ہیلمٹ موٹر سائیکل چلان والیاں نوں پٹرول نہیں ملے گا۔ آئی جی سندھ کلیم امام نے ٹریفک قانون بارے آگاہی مہم دا حکم دے دتا اے۔ایس حوالے نال اوہناں نے ایڈیشنل آئی جی کراچی ڈاکٹر امیر شیخ نوں خط وی لکھیا اے۔ خط وچ آکھیا گیا اے کہ پہلے مرحلے وچ شہر دیاں تن مشہور سڑکاں نوں ماڈل روڈ بنایا جائے۔
ماڈل روڑ شارع فیصل، آئی آئی چند ریگر روڈ تے میٹروپول توں دو تلوار چونگی دیاں سڑکاں نوں بنایا جائے۔ آئی جی سندھ کلیم امام نے آکھیا کہ ماڈل سڑکاں اُتے بنائے گئے پٹرول پمپس اُتے وی نظر رکھی جائے تے ہیلمٹ دے بغیر سفر کرن والے موٹر سائیکل سواراں نوں تیل نہ دتا جائے۔اوہناں دا آکھنا سی کہ سڑکاں دی بندش لئی لائے جان والے کنٹینرز لئی وی ضابطہ اخلاق بنا دتا گیا اے۔
