اسلام آباد(پاکستان پوائنٹ نیوز01۔دسمبر۔2018ء) نجی ٹی وی چینل دے پروگرام وچ گل بات کردے ہوئے سینئر پرچا کار چودھری غلام حسین نے آکھیا اے کہ نیب لاہور نے کُجھ دن پہلاں اک وڈی کارروائی کردے ہوئے سینئر پولیس افسر رائے اعجاز نوں کراچی توں گرفتار کیتا اے جدکہ اوہناں دے والد رائے ضمیر فرار ہو گئے نیں۔ چودھری غلام حسین نے دسیا کہ نیب نے رائے اعجاز توں وکھ وی دس دوجے پولیس افسراں تے اہلکاراں نوں گرفتار کیتا اے، جیہناں نے محکمہ پولیس دے ملازماں نوں ملن والے جی پی فنڈ تے پنشن فنڈ سنے کئی فنڈ و چ 70کروڑ رُپئے دی کرپشن کیتی سی تے ایہ ستر کروڑ رُوپیہ اپنا پیسہ سمجھ کے کھا گئے سن۔
اوہناں نے دسیا کہ نیب ولوں گرفتار کیتے جان والے پولیس اہلکاراں وچ پولیس افسر رائے اعجاز وی شامل اے جو مسلم لیگ (ن) دا چہیتا افسر سمجھیا جاندا سی۔ اوہناں نے آکھیا کہ نیب نے سارا ڈیٹا لے لیا اے ،جیہدے وچ ملک نوں لُٹن والیاں دے ناں شامل نیں۔
