تحریک لبیک دی قیادت خلاف بغاوت تے دہشت گردی دے مقدمے درج

خادم رضوی خلاف بغاوت تے دہشت گردی دے جرم وچ تھانا سول لائن لاہور، افضل قادری خلاف گجرات تے عنایت الحق شان خلاف تھانا راوت راولپنڈی وچ مقدمہ درج کیتا گیا اے:وفاقی وزیر اطلاعات فواد چودھری

تحریک لبیک دی قیادت خلاف بغاوت تے دہشت گردی دے مقدمے درج
 خادم رضوی خلاف بغاوت تے دہشت گردی دے جرم وچ تھانا سول لائن لاہور، افضل قادری خلاف گجرات تے عنایت الحق شان خلاف تھانا راوت راولپنڈی وچ مقدمہ درج کیتا گیا اے:وفاقی وزیر اطلاعات فواد چودھری

اسلام آباد(پاکستان پوائنٹ نیوز01۔دسمبر۔2018ء) تحریک لبیک دی قیادت خلاف بغاوت تے دہشت گردی دے مقدمے درج،فواد چودھری نے آکھیا کہ خادم رضوی خلاف بغاوت تے دہشت گردی دے جرم وچ تھانا سول لائن لاہور، افضل قادری خلاف گجرات، عنایت الحق شان خلاف تھانا راوت راولپنڈی وچ تے حافظ فاروق الحسن اُتے وی مقدمہ درج کیتا گیا اے، ایس طرحاں اوہ سارے لوک جیہناں نے لوکاں دی املاک نوں نقصان اپڑایا، اگ لائی، 5کروڑ دے لگ بھگ نقصان کیتا، سوانیاں دے پرس کھوئے، بالاں نوں تشدد دا نشانہ بنایا، اوہناں سارے لوکاں خلاف وی مقدمے درج کر لئے گئے نیں۔

تفصیل دے مطابق اوہناں نے اج پریس کانفرنس کردے ہوئے دسیا کہ احتجاج قانونی تے آئینی حق اے پر احتجاج دی آڑ وچ لوکاں دی املاک نوں نقصان اپڑان تے لوکاں دے حقاں نوں پامال نہیں کر دیواں گے۔ اسلام آباد تے راولپنڈی وچکار انٹرچینج نوں احتجاج دی آڑ وچ بند کیتا گیا۔ تحریک لبیک دا احتجاج آئین پاکستان خلاف سی۔ اوہناں دے طرز عمل نے ریاست نوں للکاریا۔

اوہناں دے احتجاج نال قومی املاک نوں نقصان اپڑیا۔ حکومت نے اوہناں دی لیڈر شپ نوں بڑا سمجھایا کہ احتجاج قانونی گھیرے وچ رہ کے کرو۔ فواد چودھری نے آکھیا کہ ایہناں سارے ہتھکنڈیاں نوں مُکھ رکھدے ہوئے اک آپریشن لانچ کیتا گیا۔ جیہدے وچ سارے اداریاں نے حصہ لیا۔ احتجاجی تحریک خلاف ریاستی اداریاں نال اپوزیشن جماعتاں وی آن بورڈ سن۔ ایہناں سارے معاملات اُتے اپوزیشن جماعتاں تے میڈیا دے شکر گزار آں۔

کیونکہ ایہ معاملا ریاستی معاملا سی۔ جرنیل،ججز، سیاستدان تے ہور نوں مذاق بنا دتا جائے تے فیر ریاست تے نہیں چل سکدی۔ فواد چودھری نے آکھیا کہ حکومت نے احتجاج پلان دے تحت پنجاب وچ 2899،سندھ وچ 139 تے اسلام آباد توں 126بندیاں نوں حفاظتی تحویل وچ لیا۔ ایہناں وچ خادم حسین رضوی، افضل قادری تے ہور وی شامل نیں۔ اوہناں نے آکھیا کہ اسیں واضح کیتا سی کہ احتجاج آئینی گھیرے وچ ہوئے گا۔

فواد چودھری نے آکھیا کہ تحریک لبیک دے رہنماواں اُتے بغاوت تے دہشت گردی دفعات دے تحت مقدمے درج کر رہے آں۔ خادم رضوی خلاف بغاوت تے دہشت گردی دے جرم وچ تھانا سول لائن لاہور، افضل قادری خلاف گجرات، عنایت الحق شان خلاف تھانا راوت راولپنڈی وچ تے حافظ فاروق الحسن اُتے وی مقدمہ درج کیتا گیا اے۔ ایہناں سارے دے کیس دہشت گردی دیاں عدالتاں وچ چلائے جان گے۔ ایہناں سارے بندیاں نوں عمر قید دی سزا ہو سکدی اے۔ فواد چودھری نے دسیا کہ ایس طرحاں اوہ سارے لوک جیہناں نے لوکاں دی املاک نوں نقصان اپڑایا، اگ لائی، 5کروڑ دے لگ بھگ نقصان کیتا، سوانیاں دے پرس کھوئے، بالاں نوں تشدد دا نشانہ بنایا، اوہناں سارے لوکاں خلاف وی مقدمے درج کر لئے گئے نیں۔