اسلام آباد(پاکستان پوائنٹ نیوز01۔دسمبر۔2018ء) اسلام آباد وچ دیامیرتے بھاشا ڈیم واسطے فنڈ جمع کرن لئی ارکان قومی اسمبلی تے پی سی بی دیاں ٹیماں وچکار کرکٹ میچ ہویا۔ وفاقی وزیر اطلاعات فواد چودھری نے وی میچ وچ حصہ لیا۔ بیٹنگ لئی جان توں پہلاں وفاقی وزیر اطلاعات فواد چودھری نے آکھیا کہ خوبصورت گراؤنڈ تے چنگا دن اے۔میچ پانی لئی ہو رہیا اے تے تحریک انصاف دی حکومت ماحول نوں ای ترجیح دیندی اے۔
فواد چودھر ی نے ایس موقعے اُتے دعوا کردے ہوئے آکھیا کہ پارلیمنٹرینز مقابلے وچ آن والی ٹیم نوں ہرا دین گے۔ میں تے میچ وچ تباہی مچا دیواں گا تے اپوزیشن دا سارا غصہ ایدھر کڈھاں گا۔ جے چیف جسٹس صاحب ایتھے ہوندے تے اوہناں نوں وی میچ لئی سد لیندے۔ پر اپنے دعویاں دے اُلٹ فواد چودھری اک ای سکور کر سکے۔پر بعدوں ایس میچ وچ پارلیمنٹرین الیون نے پی سی بی الیون نوں 14سکور توں ہرا دتا۔
