سعودی عرب وچ پاکستانی ملی نغمے دی گونج،راحیل شریف وی تقریب وچ موجود

جدہ(پاکستان پوائنٹ نیوز01۔دسمبر۔2018ء) سعودی عرب پاکستان دا چنگا بیلی اے جو ہر اوکھے ویلے وچ پاکستان دی مدد کردا اے۔ وزیر اعظم عمران خان دے دورہ سعودی عرب مگروں دوناں ملکاں وچکار تعلقات ہور پکے ہو گئے نیں۔ انج دے ماحول وچ سوشل میڈیا اُتے اک ویڈیو وائرل ہوئی اے جیہدے وچ سعودی گلوکار نوں پاکستانی ملی نغمہ ’ہے جذبہ جنوں تو ہمت نہ ہار‘ گاندے ہوئے ویکھیا گیا۔ایہ ویڈیو سعودی عرب وچ ہون والی اک تقریب دی اے جیہدے وچ پاکستان دے سابق آرمی چیف جنرل (ر) راحیل شریف وی موجود سن۔ تقریب وچ وزیر اعظم عمران خان دی تصویر لا کے پاکستان دے سابق آرمی چیف جنرل(ر) راحیل شریف دے ساہمنے سعودی گلوکار نے پاکستان دا ملی نغمہ گایا جیہنوں سبھ نے بہت پسند کیتا۔ ویڈیو سوشل میڈیا اُتے وائرل ہو رہی اے۔