اڈیالا جیل توں رہائی مگروں مریم نوا زدی پہلی تصویر سوشل میڈیا اُتے وائرل

اڈیالا جیل توں رہائی مگروں مریم نوا زدی پہلی تصویر سوشل میڈیا اُتے وائرل

لاہور(پاکستان پوائنٹ نیوز01۔دسمبر۔2018ء) سابق وزیر اعظم نواز شریف دی دھی مریم نواز شریف اڈیالا جیل توں رہائی دے موقعے توں لے کے ہُن تیکر چُپ نیں ۔ایس دوران مریم نواز بارے کوئی خبر ساہمنے آئی تے نہ ای اوہناں دی کوئی تصویر۔ پر ہن مریم نواز دیاں اک نیڑلے رشتے دار دے ویاہ وچ رلت دیاں تصویراں ساہمنے آئیاں نیں جیہدے وچ اہ بہت خوبصورت وکھالی دے رہیاں نیں۔

مریم نواز شریف دے نال اوہناں دی دادی بیگم شمیم اخترتے ہور رشتے دارموجود نیں۔پر ایس بارے پتا نہیں لگ سکیا کہ ایہ کیہدا ویاہ اے؟ مریم نواز دیاں ایہ تصویراں اک پیج ولوں فیس بک اُتے شیئر کیتیاں گئیاں نیں۔مریم نواز دیاں تصویراں سوشل میڈیا اُتے وائرل ہوگئیاں نیں تے خاص طور اُتے مسلم لیگ (ن) دے کارکناں ولوں ایہناں تصویراں نوں ویکھ کے خشی دا وکھالا کیتا جا رہیا اے۔