راولپنڈی(پاکستان پوائنٹ نیوز30۔نومبر۔2018ء) سرحداں اُتے ملک دا بھرپور دفاع کراں گے، دہشت گردی دا خاتمہ کرن والی پاک فوج دی قیادت کرن اُتے فخر اے، پاک فوج نے کامیابی نال دہشت گردی دا مقابلا کیتا۔ نیم روایتی آپریشن دے تجربیاں نال ساڈی جنگی صلاحیت ودھی اے۔ ملکی دفاع لئی پاک فوج کسے وی خطرے دا جواب دین لئی تیار اے۔پاک فوج دے شعبہ تعلقات عامہ(آئی ایس پی آر) دے مطابق آرمی چیف جنرل قمر جاوید باجوہ نے سیالکوٹ فارمیشن کور دا دورہ کیتا۔
آرمی چیف نے مشترکہ سرمائی تربیتی مشقاں دے آخری مرحلے دا جائزہ لیا۔ آرمی چیف نے نوجواناں تے افسراں دے جنگی طریقہ کار تے آپریشن دیاں تیاریاں اُتے اطمینان دا اظہار کیتا۔ جنرل قمر جاوید باجوہ نے آکھیا کہ دہشت گردی دا خاتمہ کرن والی پاک فوج دی قیادت کرن اُتے فخر اے۔ پاک فوج نے کامیابی نال دہشت گردی دا مقابلا کیتا۔ نیم روایتی آپریشن دے تجربیاں نال ساڈی جنگی صلاحیت ودھی اے۔
ملکی دفاع لئی پاک فوج کسے وی خطرے دا جواب دین لئی تیار اے۔ اوہناں نے آکھیا کہ پاک فوج ملکی سا لمیت دے نال نال دہشت گردی دا وی مقابلا کر رہی اے۔ اوہناں نے آکھیا کہ اسیں ایس ویلے آپریشن ’ردالفساد‘ وچ رُجھے آں۔ آپریشن ’ردالفساد‘ مگروں روایتی جنگی تیاریاں توں غافل نہیں آں۔ پاک فوج بہترین ہتھیاراں نال لیس اے۔ تربیت یافتہ تے جدید اسلحے نال لیس فوج جنگی میدان وچ وی مقابلا کرسکدی اے۔
