اسلام آباد(پاکستان پوائنٹ نیوز30۔نومبر۔2018ء) پاکستان مسلم لیگ (ن) دے قائد و سابق وزیر اعظم میاں محمد نواز شریف نے آکھیا اے کہ ڈالر مہنگا ہون اُتے مینوں وی تشویش اے، مریم اورنگزیب، شاہد خاقان عباسی تے احسن اقبال ڈالر دی ودھدی ہوئی قیمت اُتے جواب دے چکے نیں۔ میڈیا رپورٹس دے مطابق سا بق وزیر اعظم نواز شریف نے احتساب عدالت وچ پیشی دے موقعے اُتے میڈیا نال غیر رسمی گل بات کیتی ۔
ایس دوران اوہناں نے اک سوال دے جواب وچ آکھیا کہ ڈالر مہنگا ہون اُتے مینوں وی تشویش اے۔ اوہناں دا آکھنا سی کہ مریم اورنگزیب، شاہد خاقان عباسی تے احسن اقبال ڈالر دی ودھدی ہوئی قیمت اُتے جواب دے چکے نیں۔ یاد رہوے کہ اج سویرے کاروباری دن دے شروع اُتے ڈالر دی قیمت وچ 8رُپئے دا وادھا ہویا،وادھے مگروں ڈالر 142رُپئے دا ہوگیا جو بعدوں سٹیٹ بنک آف پاکستان دی مداخلت نال بعدوں 138دا ٹریڈ ہویا۔
