ملکی زرمبادلا دے ذخائر14ارب ڈالر توں ودھ گئے:سٹیٹ بنک

ملکی زرمبادلا دے ذخائر14ارب ڈالر توں ودھ گئے:سٹیٹ بنک

کراچی(پاکستان پوائنٹ نیوز30۔نومبر۔2018ء) سٹیٹ بنک آف پاکستان دے مطابق ملکی مجموعی زرمبادلا دے ذخائر 14ارب 57کروڑ ڈالر ہو گئے نیں۔ سٹیٹ بنک نے اک رپورٹ وچ دسیا کہ 23نومبر تیکر بیرونی قرضے تے ہور ادائیگی دی مد وچ 22.5کروڑ ڈالرادا کیتے گئے نیں۔ سٹیٹ بنک آف پاکستان ولوں جاری کیتے گئے آنکڑیاں (اعدادوشمار) دے مطابق چالو مہینے سعودی عرب کولوں اک ارب ڈالر ملے نیں۔ایہدے نال سٹیٹ بنک کول موجودہ ذخائر دی مالیت وچ 77.6کروڑ ڈالر دا وادھا ویکھیا گیا اے۔ رپورٹ وچ ہور دسیا گیا اے کہ مرکزی بنک دے ذخائر ودھ کے 8.06ارب ڈالر ہو گئے نیں جدکہ کمرشل بنکاں کول 6.15ارب ڈالر موجود نیں۔