پاکستان دا افغانستان نوں 40ہزار میٹرک ٹن کنک دا تحفہ

اسلام آباد(پاکستان پوائنٹ نیوز30۔نومبر۔2018ء) اقتصادی رابطہ کمیٹی نے افغانستان نوں 40ہزار میڑک ٹن کنک تحفے وچ دین دی منظوری دے دتی۔میڈیا رپورٹس دے مطابق وزیر خزانہ اسد عمر دی صدارت ہیٹھ اقتصادی رابطہ کمیٹی دا اجلاس ہویا۔ اجلاس وچ ای سی سی نے افغانستان نوں 40ہزار میٹرک ٹن کنک تحفے وچ دین دی منظوری دتی اے۔ کنک دی مالیت 73کروڑ رُپئے اے۔ ای سی سی نے بے نظیر انکم سپورٹ پروگرام لئی پی پی اے ایف نوں امداد جاری کرن دی وی منظوری دتی۔ای سی سی دی منظوری مگروں بی آئی ایس پی دے 3لکھ20ہزار کارڈ ہولڈر لئی 92.6ملین ڈالر جاری کیتے جان گے۔