اسلام آباد(پاکستان پوائنٹ نیوز29۔نومبر۔2018ء) پچھلے دیہاڑے وزیراعظم عمران خان نے کرتارپور راہداری دا نینہ پتھر(سنگ بنیاد) رکھیا۔ایس موقعے اُتے اک خوبصورت تقریب دا وی آہر کیتا گیا ۔ تقریب وچ وزیر خارجا شاہ محمود قریشی، وزیر اعلا پنجاب عثمان بزدار وی موجود سن۔تقریب وچ بھارتی سرکاری وفدتے وزیر اعظم دے بیلی سدھو وی موجود سن۔پر ہن سکھ برادری نے وڈی آفر کیتی اے۔
تفصیل دے مطابق سکھ برادری نے پاکستان دے اک وڈے مسئلے نوں حل کرن وچ مدد دین دی آفر کیتی اے۔ برطانیہ وچ وسدے سکھاں نے آفر کیتی اے کہ اوہ پاکستان وچ اک ڈیم دی اُساری لئی پیسے دین نوں تیار نیں۔ برطانیہ وچ وسدے سکھاں نے آفر کیتی اے کہ جے پاکستانی حکومت کسے ڈیم دا ناں گورونانک دے ناں نال رکھے تے اوس ڈیم دے سارے پیسے اسیں دیواں گے۔ دوجے پاسے ایس حوالے نال پاکستانی حکومت نے کسے قسم دا کوئی جواب نہیں د تا۔
