اسلام آباد(پاکستان پوائنٹ نیوز29۔نومبر۔2018ء) کرتار پور ورگا رویہ پاک افغان راہداری اُتے وی وکھایا جائے،عوامی نیشنل پارٹی دے سربراہ اسفند یار ولی دا کرتار پورراہداری کھولن اُتے ردعمل۔ تفصیل دے مطابق عوامی نیشنل پارٹی دے مرکزی صدر اسفند یار والی خان نے کرتار پور راہداری کھولن دے اقدام نوں چنگا قرار دیندے ہوئے آکھیا اے کہ ایس کم نال کاروباری برادری نوں پیش آن والیاں اوکڑاں دور تے سیاحت نوں فروغ ملے گا۔
اپنے اک بیان وچ اوہناں نے آکھیا کہ 71ورھیاں مگروں کرتار پور سرحد کُھلن نال دوناں ملکاں وچکار تعلقات بہتر بنان وچ مدد ملے گی پر ایہو رویہ پاک افغان بارڈر اُتے وی اپنانا چاہیدا تاں جے پشتوناں وچکار پائے جان والے احساس محرومی دا خاتمہ کیتا جا سکے۔ اوہناں نے آکھیا کہ اے این پی دے منشور وچ ایہ واضح طور اُتے موجود اے کہ اقتدار وچ آن مگروں خطے وچ معیشت دی بہتری تے دیرپا امن لئی گھٹو گھٹ دس راہداریاں قائم کیتیاں جان گیاں تے ساڈا پچھلے کئی ورھیاں توں ایہو مطالبہ لگا آ رہیا اے ۔
خطے دے امن لئی پاک افغان تعلقات وچ تیزی نال بہتری ضروری اے۔اوہناں نے آکھیا کہ پاکستان سارے گوانڈھی ملکاں نال بہتر تعلقات چاہندااے۔ کرتار پور راہداری کھولن مگروں اسیں افغانستان نال وی راہداریاں کھولن مگروں تعلیمی، تجارتی، ثقافتی تے ہور سرگرمیاں دی ریاستی پدھر اُتے سرپرستی دی آس رکھدے نیں۔
