لاہور(پاکستان پوائنٹ نیوز29۔نومبر۔2018ء) زرمبادلا ذخائر وچ 85کروڑ ڈالر دا وادھا،زرمبادلا ذخائر14ارب57کروڑ ڈالر ہو گئے۔ تفصیل دے مطابق پچھلے کُجھ دناں توں پاکستان دے زرمبادلا وچ لگاتار کمی ہو رہی سی جیہدے مگروں ڈالر دی قیمت وچ وی وادھا ویکھن نوں ملیا سی۔ ایہو وجہ سی کہ پاکستان ولوں ادائیگیاں وچ وی توازن نہیں آ رہیا سی۔ ایس صورتحال وچ پاکستان نے آئی ایم ایف نال رابطہ کرن دا فیصلا کیتا سی پر دوست ملکاں ولوں مالی امدادی پیکج ملن مگروں پاکستان دے زرمبادلا دے ذخائر وچ وادھا ویکھن نوں ملیا اے۔
ایس حوالے نال تازہ اطلاع ایہ اے کہ ملکی زرمبادلا دے ذخائر وچ 85کروڑ ڈالر دا وادھا ہویااے۔ ایس وادھے مگروں زرمبادلا ذخائر 14ارب 57کروڑ ڈالر ہو گئے نیں۔وسیلیاں دے مطابق شیڈول بنکاں دے ذخائر 8کروڑ ڈالر توں ودھ کے 51کروڑ جدکہ مرکزی بنک دے ذخائر 77کروڑ ڈالر وادھے نال 8ارب ڈالر ہوگئے۔
