پی ٹی آئی دی حکومت پچھلی حکومت دے راہ اُتے چلن لگی

کراچی(پاکستان پوائنٹ نیوز29۔نومبر۔2018ء) پی ٹی آئی دی حکومت پچھلی حکومت دے راہ اُتے چلن لگ پئی،حکومت نے مالی سال 2019دے پہلے 4مہینیاں وچ 1ارب58کروڑ ڈالر قرض لیا۔ نجی ٹی وی دے مطابق مالی سال دے مڈھلے دو مہینیاں وچ ملکی مالیاتی نظام نگران حکومت کول سی تے جولائی توں اگست وچ حکومتی قرضیاں دا کھلار(حجم) 82کروڑ ڈالر سی۔ نویں حکومت بنن مگروں وی قرضہ گیری دا سلسلا برقرار رہیا ۔ نویں حکومت نے ستمبر تے اکتوبر دے دوران 76کروڑ 40لکھ ڈالر قرضہ لیا۔ حکومت نے 32کروڑ ڈالر کمرشل بنکاں،23کروڑ ڈالر چین جدکہ 7کروڑ ڈالر اسلامک ڈویلپمنٹ بنک کولوں قرضہ لیا۔