اسلام آباد(پاکستان پوائنٹ نیوز29۔نومبر۔2018ء) ملک بھر وچ پٹرول تے ڈیزل دی قیمت وچ 7رُپئے فی لیٹر کمی دا امکان اے۔ تفصیل دے مطابق عالمی منڈی وچ خام تیل دی قیمت اک سال دی گھٹ ترین سطح اُتے اپڑ گئی اے ، جیہدے مگروں پاکستان وچ پٹرول تے ڈیزل دیاں قیمتاں وچ 7رُپئے فی لیٹر کمی دا امکان ظاہر کیتا جا رہیا اے۔ میڈیا رپورٹ دے مطابق امریکی خام تیل 50ڈالر فی بیرل توں وی گھٹ قیمت اُتے ٹریڈ ہو رہیا اے۔
دوجے پاسے برطانوی خام تیل دی قیمت وچ وی دو فیصد کمی آئی اے۔ برطانوی خام تیل 57ڈالر 50سینٹ فی بیرل اُتے ٹریڈ ہو رہیا اے۔ اک مہینے دوران خام تیل دیاں قیمتاں وچ 25فیصد تیکر کمی ہوئی جیہدے مگروں ہن پاکستان وچ وی پٹرول تے ڈیزل دی قیمت وچ کمی دا امکان ظاہر کیتا جا رہیا اے۔ پر ایس حوالے نال اجے تیکر کوئی حتمی فیصلا نہیں کیتا گیا۔ عالمی منڈی وچ خام تیل دی قیمت نوں مُکھ رکھدے ہوئے وفاقی کابینہ دی منظوری مگروں ای ایس حوالے نال کوئی حتمی اعلان کیتا جائے گا۔
