اسلام آباد(پاکستان پوائنٹ نیوز29۔نومبر۔2018ء) پاکستان آرڈیننس فیکٹری واہ(پی او ایف) نے پاکستان دے امن تے انسانیت دی تکریم دی خاہش نوں دنیا ساہمنے عملی شکل وچ پیش کر دتا۔ پی او ایف نے انسان دوست بارودی سرنگ تیار کرلئی اے جو سویلین نوں نہیں بلکہ چُن چُن کے دشمن ٹینکاں نوں نشانہ بنائے گی۔ تفصیل دے مطابق پاکستان آرڈیننس فیکٹری واہ دے ڈائریکٹر عثمان علی بھٹی نے دسیا کہ پی او ایف نے جدید سینسرز نال لیس انسان دوست بارودی سرنگ وی تیار کرلئی اے جو عام انساناں یاں گڈیاں دی بجائے صرف دشمن دے ٹینکاں نوں نشانہ بنائے گی۔
ایہ ٹیکنالوجی علاقے نوں محفوظ بنان دا ذریعہ بنے گی۔دوجے پاسے پاکستان دے دفاعی تجزیہ کاراں نے ایس پیش رفت تے ایس نویں بارودی سرنگ دی تیاری نوں سلاہیا۔ دفاعی ماہرین دا آکھنا اے کہ ایس بارودی سرنگ دی تیاری نال نہ صرف ملکی تحفظ دے خرچیاں وچ کمی آئے گی جدکہ دشمن دیاں نیندراں اُڈان وچ وی مدد ملے گی۔
