سیالکوٹ(پاکستان پوائنٹ نیوز28۔نومبر۔2018ء) وزیر اعلا پنجاب عثمان بزدار وزیراعظم نوں رخصت کر کے سیالکوٹ دے غیر شیڈول دورے اُتے نکلے۔ صفائی تے سکیورٹی دے ناقص انتظامات پاروں وزیر اعلا عثمان بزدار نے ڈپی او تے ڈپٹی کمشنر سیالکوٹ نوں معطل کر دتا اے۔تفصیل دے مطابق اج وزیراعظم عمران خان نے کرتارپور راہداری دا نینہ پتھر(سنگ بنیاد) رکھ دتا اے۔
وز یراعظم عمران خان تے چیف آف آرمی سٹاف جنرل قمر جاوید باجوہ کرتارپور اپڑے۔ ایس موقعے اُتے اک خوبصورت تقریب دا وی آہر کیتا گیا سی۔ تقریب وچ وزیر خارجا شاہ محمود قریشی، وزیر اعلا پنجاب عثمان بزدار وی موجود سن۔تقریب وچ بھارتی سرکاری وفدتے وزیر اعظم دے بیلی سدھو وی موجود سن۔تقریب مگروں وزیر اعلا پنجاب عثمان بزدار وزیراعظم نوں رخصت کر کے سیالکوٹ دے غیر شیڈول دورے اُتے نکلے۔اپنے دورے دوران اوہناں نے صفائی تے سکیورٹی دے ناقص انتظامات پاروں ڈپی او تے ڈپٹی کمشنر سیالکوٹ نوں معطل کر دتا اے۔
