اسلام آباد(پاکستان پوائنٹ نیوز28۔نومبر۔2018ء) کرتار پور بارڈر کھلن نال پاکستانی معیشت اُتے کیہ اثر پئے گا؟مشہور پرچا کار نے کرتاپور بارڈر کھلن اُتے زبردست خبر دے دتی۔نجی ٹی وی چینل دے پروگرام وچ گل بات کردے ہوئے مشہور پرچا کار رؤف کلاسرا نے آکھیا کہ لاہور گندا ترین شہر بن گیا اے۔ سابق وزیر اعلا پنجاب شہباز شریف نے تے جو لاہور نوں گندا کیتا اوہ کیتا پر ہن رہی سہی کسر پاکستان تحریک انصاف دی حکومت نے پوری کر دتی اے۔
اوہناں دا آکھنا سی کہ وزیر اعلا پنجاب عثمان بزدار تے گورنر پنجاب چودھری سرور نوں چاہیدا کہ اوہ ہن لاہور ول تھوڑی توجہ دین تے لاہور نوں صاف کروان کیونکہ لاہور سیاحتی اعتبار نال بہت اہمیت رکھدا اے۔ ایتھوں دوجے ملکوں سیاح آؤندے نیں۔ لاہور نوں اسیں پسند کرئیے یاں نہ کرئیے پر لاہور ساڈی ثقافتی شناخت اے ۔ عمران خان نوں چاہیدا کہ اوہ لاہور نوں صاف کرن دے حوالے نال اک مہم شروع کرن۔
ایس توں وکھ رؤف کلاسرا دا آکھنا سی کہ اسیں امن دے خاہشمند آں۔ کرتار پور بارڈر کھلن نال پاکستان وچ سرمایہ کاری آئے گی تے سرمایہ کاری آن نال نوکریاں ملن گیاں۔ اوہناں نے آکھیا کہ ایس بارڈ نال جو لوک پاکستان وچ آن گے اوہ غیر ملکی کرنسی لیان گے ، ہوسکدا اے کہ ہُن ہندوواں تے سکھاں دے نال نال بدھ مت مذہب توں تعلق رکھن والے لوک وی پاکستان دا دورہ کرن۔ انج دے ماحول وچ پاکستانی معیشت اُتے چنگا اثر پئے گا۔
