وزیر اعظم عمران خان نے کرتار پور راہداری دا نینہ پتھر رکھ دتا

لاہور(پاکستان پوائنٹ نیوز28۔نومبر۔2018ء) وزیراعظم عمران خان نے کرتارپور راہداری دا نینہ پتھر(سنگ بنیاد) رکھ دتا۔ میڈیا رپورٹس دے مطابق وز یراعظم عمران خان تے چیف آف آرمی سٹاف جنرل قمر جاوید باجوہ کرتارپور اپڑے۔ ایس موقعے اُتے اک خوبصورت تقریب دا وی آہر کیتا گیا ۔ تقریب وچ وزیر خارجا شاہ محمود قریشی، وزیر اعلا پنجاب عثمان بزدار وی موجود سن۔تقریب وچ بھارتی سرکاری وفدتے وزیر اعظم دے بیلی سدھو وی موجود سن۔ دوجے پاسے دنیا بھر وچ موجود سکھ برادری پاکستان دے ایس فیصلے دا خیر مقدرم کر رہی اے۔