عمران خان زبردست بندے نیں:پیپلز پارٹی رہنما دا اعتراف

فواد نامی لوک خطرناک ہوندے نیں،فواد حسن فواد نے نواز شریف نوں ڈبویا تے فواد چودھری عمران خان نوں ڈبو دیوے گا:نبیل گبول

عمران خان زبردست بندے نیں:پیپلز پارٹی رہنما دا اعتراف
 فواد نامی لوک خطرناک ہوندے نیں،فواد حسن فواد نے نواز شریف نوں ڈبویا تے فواد چودھری عمران خان نوں ڈبو دیوے گا:نبیل گبول

اسلام آباد(پاکستان پوائنٹ نیوز27۔نومبر۔2018ء) پاکستان پیپلز پارٹی دے رہنما نبیل گبول دا آکھنا اے کہ عمران خان نے زندگی وچ دو وار شیروانی پائی، اک وار اوہناں نے ریحام خان نال ویاہ دوران آف وائٹ رنگ دی شیروانی پائی جدوں کہ اک وار اوہناں نے اودوں شیروانی پائی جدوں اوہ وزیر اعظم بنے۔ پر عمران خان دے وزیراں دا بس اک ای کم اے کہ اوہ دوجے لوکاں دیاں پگاں اُچھالدے نیں۔

تے میں اک گل دس دیواں کہ فواد چودھری تے اسد عمر نے عمران خان لے ڈُبنا اے۔ نبیل گبول دا آکھنا سی کہ عمران خان بہت زبردست بندے نیں میں اوہناں نوں جاننا واں تے اوہ بہت ایماندار بندے نیں۔ عمران خان دی خامی اے کہ اوہ لوکاں دیاں گلاں وچ بہت چھیتی آ جاندے نیں تے اپنے نیڑلے لوکاں نوں ٹھیک تے دوجیاں نوں کرپٹ سمجھدے نیں۔ اوہناں دا ہور آکھنا سی کہ فواد نامی لوک خطرناک ہوندے نیں۔فواد حسن فواد نے نواز شریف نوں ڈبویا تے فواد چودھری عمران خان نوں ڈبو دیوے گا۔