اسلام آباد(پاکستان پوائنٹ نیوز27۔نومبر۔2018ء) اومنی گروپ دے فرنٹ مین اسلم مسعود نوں پاکستان لیان دیاں تیاریاں ،اسلم مسعود نوں ملک واپس لیان لئی ایف آئی اے دی ٹیم بنا دتی گئی، ایہ ٹیم سعودی عرب جا کے اسلم مسعود نوں ملک واپس لیائے گی۔ تفصیل دے مطابق حکومت نے اومنی گروپ دے معاملے نوں حل کرن لئی اسلم مسعود نوں ملک واپس لیان دا فیصلا کیتا اے۔
ایس حوالے نال تازہ خبر ایہ اے کہ اسلم مسعود نوں واپس لیان لئی ایف آئی اے نے ٹیم بنا دتی اے۔ایف آئی اے دی ٹیم چار ممبراں اُتے مشتمل اے۔ چار رکنی ٹیم اسلم مسعود نوں ملک واپس لیان لئی سعودی عرب جائے گی۔ایس سلسلے وچ ایف آئی اے دی ٹیم نے سعودی حکام نوں ویزیاں دی درخاست وی دے دتی اے۔ ویزے ملن مگروں ایف آئی اے دی ٹیم سعودی عرب جائے گی۔
