لاہور(پاکستان پوائنٹ نیوز27۔نومبر۔2018ء) سوشل میڈیا اُتے اک ویڈیو وائرل ہوئی، ویڈیو وچ اک پولیس اہلکار نوں ڈانس کردے ہوئے ویکھیا گیا۔ ایتھوں تیکر کہ ایہ وی خبراں ساہمنے آئیاں کہ ذکر کیتے گئے پولیس انسپکٹر نوں معطل وی کر دتا گیا پر ہن ایس سارے معاملے دا ڈراپ سین ہو گیا اے کیونکہ ویڈیو وچ نظر آن والا بندہ پولیس اہلکار نہیں بلکہ سٹیج ادکار اے، جیہدا ناں شہزاد عاصی اے ایس حوالے نال اک وضاحتی بیان وی ساہمنے آیا اے جیہدے وچ اوہناں دا آکھنا اے کہ میرا ناں شہزاد عاصی اے تے میں اک سٹیج آرٹسٹ آں۔کل توں سوشل میڈیا اُتے وائرل ہون والی ویڈیو میں پولیس دی وردی پاکے اک ڈرامے دی ریہرسل دوران بنائی سی۔ میرا پولیس نال کوئی تعلق نہیں اے ایہ اک قابل احترام ادارہ اے۔ پر میں معذرت خواہ آں جے ایہدے نال لوکاں دے دل دُکھے ۔ میرا پولیس دے شعبے نال کوئی تعلق نہیں جدکہ دوجے پاسے ذکر کیتے گئے سٹیج اداکار نال مشابہت رکھن والے اک پولیس اہلکار نوں معطل کر دتا گیا اے جیہنے فلمی ڈائیلاگز اُتے ڈبنگ کیتی سی۔
