لاہور(پاکستان پوائنٹ نیوز27۔نومبر۔2018ء) سابق بھارتی کرکٹر، سیاستدان و کامیڈین نوجوت سنگھ سدھو نے آکھیا اے کہ یقین سی کہ جو گل کن وچ آکھی گئی ضرور پوری ہوئے گی، پاک دھرتی توں مٹی لے کے جاواں گا، کرتار پور کوریڈور نے تاریخ لکھ دتی، سکھاں لئی ایس توں وڈی کوئی خشی نہیں۔ اوہناں نے اج لاہور وچ گورنر پنجاب چودھری سرور نال پریس کانفرنس کرد ے ہوئے آکھیا کہ پاکستان وچ بہت عزت ملی۔
کل دا دن بہت اہم اے۔ 12کروڑ سکھاں دا بھروسہ اے۔ سکھاں لئی ایس توں وڈی کوئی خشی نہیں۔ اوہناں نے آکھیا کہ دوناں ملکاں دی لوکائی نوں مبارکباد پیش کرنا واں۔ اوہناں نے آکھیا کہ کرتارپور کوریڈور نے تاریخ لکھ دتی اے۔ پاک دھرتی توں مٹی لے کے جاواں گا۔ یقین سی جو گل میرے کن وچ کیتی گئی اے اوہ ضرور پوری ہوئے گی۔ اوہناں نے آکھیا کہ کُجھ لوک عمران خان تے گورنر پنجاب ورگے ہوندے نیں جو تاریخ رقم کردے نیں۔
سکھ برادری 70ورھیاں توں ایس مسئلے دے حل دی اُڈیک وچ سی۔ کرتار پور راہداری امن قائم کرن دا اک وسیلا اے جو تجارت وچ وادھے دا کارن بنے گی۔ نوجوت سنگھ سدھو نے آکھیا کہ ایہ سرکار تے وزیراں دے مسئلے نیں۔ میں کشمیر دی گل نہیں کراں گا۔ بھائی چارے تے محبت نال مسئلے حل ہوندے نیں۔
