”یہ ہے نیا پاکستان، واہ رے عمران خان“

کراچی(پاکستان پوائنٹ نیوز26۔نومبر۔2018ء) چیئرمین پیپلز پارٹی بلاول بھٹو زرداری نے حکومت دی 100دناں دی کارکردگی اُتے شاعرانہ تبصرہ کیتا اے۔ تفصیل دے مطابق وزیر اعظم عمران خان نے حکومتی کارکردگی اُتے قوم نوں اعتماد وچ لین دا فیصلا کیتا اے۔ جیہدے تحت حکومت ولوں جناح کنونشن سنٹر اسلام آباد وچ تقریر ہوئے گی۔ 29نومبر نوں ہون والی تقریب وچ وزیر اعظم عمران خان 100دناں دی کارکردگی تے آؤندے لائحہ عمل بارے آپ گل بات کرن گے۔ پر دوجے پاسے سیاسی مخالفاں نے وی حکومت دی 100دناں دی کارکردگی نوں تنقید دا نشانہ بنانا شروع کر دتا اے۔ حکومتی کارکردگی اُتے کئی قسم دے تبصرے کیتے جارہے نیں۔ مسلم لیگ (ن) دی ترجمان مریم اورنگزیب نے 100دناں دی کارکردگی نوں جھوٹھ دا پلندہ قرار دتا تے ہن بلاول بھٹو نے وی ایہدے اُتے شاعرانہ تبصرہ کیتا اے۔