حکومت نے لوکائی اُتے بجلی بم ڈیگن دی تیار کر لی

اسلام آباد(پاکستان پوائنٹ نیوز26۔نومبر۔2018ء) وفاقی حکومت نے نیپرا اگے بجلی دے ریٹ وچ اک رُپئے 27پیسے فی یونٹ وادھے دی سفارش کر دتی اے۔ نجی ٹی وی دے مطابق حکومت نے بجلی دے ریٹ وچ اک رُپئے27پیسے فی یونٹ وادھے دی سفارش نیپرا نوں گھل دتی اے۔ جیہدے مگروں بجلی دے ریٹ وچ 22پیسے توں اک رُپئے 60پیسے تیکر فی یونٹ وادھا ہوئے گا۔ پرایہدے مگروں وی حکومت ورتیندڑاں نوں 117ارب رُپئے دی سبسڈی دیوے گی۔ نیپرا اتھارٹی نے حکومتی درخاست اُتے فیصلا محفوظ کر لیا۔یاد رہوے کہ بجلی دے ٹیرف وچ وادھے دا اطلاق 300توں ودھ یونٹ ورتن والے لوکاں اُتے نہیں ہوئے گا۔