مولانا فضل الرحمان رُو پئے

سکھر(پاکستان پوائنٹ نیوز26۔نومبر۔2018ء) متحدہ مجلس عمل دے سربراہ مولانا فضل الرحمان سکھر مارچ دوران رُو پئے۔ تفصیل دے مطابق ایم ایم اے دے مرکزی صدر مولانا فضل الرحمان تن دناں دے دورے اُتے سکھر اپڑے۔ سکھر ائر پورٹ اُتے مولانا عبدالغفور حیدری ، علامہ راشد محمود، ایوب شاہ تے اسلم غوری سنے ہور لوکاں نے اوہناں دا استقبال کیتا۔ پر ایس حوالے نال مولانا فضل الرحمان دی اک ویڈیو سوشل میڈیا اُتے وائرل ہو رہی اے۔ جیہدے وچ اوہناں نوں روندے ہوئے ویکھیا جا سکدا اے۔آکھیا جا رہیا اے کہ ایہ ویڈیو سکھر مارچ دوران دی اے۔یاد رہوے کہ مولانا فضل الرحمان نے پچھلے دیہاڑے سکھر وچ ملین مارچ نال خطاب کیتا سی۔ ایس موقعے اُتے سکیورٹی دے سخت انتظامات کیتے گئے سن۔