وفاقی حکومت دیاں 100دناں وچ زبردست کامیابیاں

برطانیہ توں لُٹی ہوئی دولت دی واپسی دا سمجھوتا، سعودی عرب ولوں امداد، ویزہ فیس وچ کمی، چین دے نال سمجھوتے تے تعلقات وچ مضبوطی سنے امریکیاں نوں وزیر اعظم دا قوم دی خاہش دے مطابق جواب دینا وڈی کامیابی اے:مشہور پرچا کار

وفاقی حکومت دیاں 100دناں وچ زبردست کامیابیاں
برطانیہ توں لُٹی ہوئی دولت دی واپسی دا سمجھوتا، سعودی عرب ولوں امداد، ویزہ فیس وچ کمی، چین دے نال سمجھوتے تے تعلقات وچ مضبوطی سنے امریکیاں نوں وزیر اعظم دا قوم دی خاہش دے مطابق جواب دینا وڈی کامیابی اے:مشہور پرچا کار

لاہور(پاکستان پوائنٹ نیوز24۔نومبر۔2018ء) وفاقی حکومت دیاں 100دناں وچ زبردست کامیابیاں۔تفصیل دے مطابق تجزیہ کار و اینکر علی حیدر نے آکھیا اے کہ وفاقی حکومت دی 100دناں وچ خارجی محاذ اُتے زبردست کامیابی رہی، برطانیہ توں لُٹی ہوئی دولت دی واپسی دا سمجھوتا، سعودی عرب ولوں امداد، ویزہ فیس وچ کمی، چین نال سمجھوتے تے تعلقات وچ مضبوطی سنے امریکیاں نوں وزیر اعظم دا قوم دی خاہش دے مطابق جواب دینا وڈی کامیابی اے۔

اوہناں نے نجی ٹی وی دے پروگرام وچ گل بات کردے ہوئے آکھیا کہ حکومت دی پہلے 100دناں دی کارکردگی دے حوالے نال تنقید ہو رہی اے کہ اوہناں دی اچیومنٹ کیہ اے؟حکومت دیاں خارجی محاذ اُتے کامیابیاں نوں ویکھیے تے سبھ توں پہلاں سعودی عرب ولوں 3ارب ڈالر دی امداد اے۔ 2000ہزار ریال ویزہ فیس دا خاتمہ تے تیل دی ادائیگی نوں وڈی اچیومنٹ آکھیا جا رہیا اے۔

اوہناں دا آکھنا سی کہ سعودی عرب نال تعلقات وچ بہتری آئی۔ چین نال تعلقات بہتر ہوئے جدکہ سی پیک دے حوالے نال چین دے تحفظات ختم ہوئے نیں۔ وزیر اعظم دا آکھنا اے کہ چین ولوں کُجھ امداد وی ملی اے پر جو وی چین نال سمجھوتے ہوئے اوہناں نوں دسیا نہیں جا سکدا۔ برطانیہ توں لُٹی ہوئی دولت دی واپسی دا سمجھوتا ہویا۔ پر ایہدا کوئی اجے تیکر فریم ورک نہیں بنیا اے۔

ملائیشیا نال تعلقات وچ بہتری آئی اے۔ ملائیشیا تے پاکستان وچکار ویزے نوں جزوی طور اُتے ختم کرن دا سمجھوتا ہویا اے۔ ایسے طرحاں پہلی وار قوم دی خاہش نوں مُکھ رکھدے ہوئے امریکا نوں بھرپور جواب دتا گیا۔ ایس موقعے اُتے پروگرام وچ موجود پیپلز پارٹی دے رہنما نادر گبول نے آکھیا کہ حکومتی کارکردگی اوس ویلے ساہمنے آئے گی جدوں سمجھوتیاں اُتے عملدرآمد ہوئے گا۔بیرونی دورے تے پہلے حکمران وی کردے رہے نیں۔اوہناں نے آکھیا کہ حکومت دی بجلی، تیل تے گیس دیاں قیمتاں وچ وادھے دی وی وڈی اچیومنٹ وچ اے۔