لٹی ہوئی دولت ملک واپس لیان دیاں تیاریاں جاری

منی لانڈرنگ بارے 10ملکاں کولوں معلومات لین دا عمل جاری اے:معاون خصوصی وزیر اعظم شہزاد اکبر

لٹی ہوئی دولت ملک واپس لیان دیاں تیاریاں جاری
منی لانڈرنگ بارے 10ملکاں کولوں معلومات لین دا عمل جاری اے:معاون خصوصی وزیر اعظم شہزاد اکبر

لاہور(پاکستان پوائنٹ نیوز24۔نومبر۔2018ء) احتساب بارے وزیر اعظم دے معاون خصوصی شہزاد اکبر نے آکھیا اے کہ منی لانڈرنگ بارے دس ملکاں کولوں معلومات لین دا عمل جاری اے۔ سمجھوتے اُتے دستخط لئی چھیتی سوئٹزر لینڈ جاواں گے۔اک نجی ٹی وی نوں انٹرویو دیندے ہوئے اوہناں نے آکھیا کہ برطانیہ تے متحدہ عرب امارات دیاں حکومتاں تحقیقات دے عمل وچ ساڈی ٹیم نال پورا تعاون کر رہیاں نیں۔ حکومت تحقیقات کرن تے لُٹی ہوئی دولت واپس لیان لئی ہور ملکاں نال سمجھوتیاں اُتے دستخط کر رہی اے۔اوہناں دا آکھنا سی کہ ایس سلسلے وچ سمجھوتے اُتے دستخط لئی چھیتی سوئٹرز لینڈ جاواں گے۔شہزاد اکبر نے آکھیا کہ وزیراعظم دی واضح ہدایت اے کہ ملک و قوم دی لُٹی ہوئی دولت واپس خزانے وچ جمع کرائی جائے گی۔