لاہور(پاکستان پوائنٹ نیوز24۔نومبر۔2018ء) قومی اسمبلی وچ قائد خزب اختلاف شہباز شریف دے داماد علی عمران دے ناں اُتے ارباں رُپئے دی جائیداد دا انکشاف ہویااے، علی اینڈ کمپنی وچ 60لکھ شیئرز علی عمران دی ملکیت نکلے۔ تفصیل دے مطابق نیب ولوں اپوزیشن لیڈر قومی اسمبلی شہباز شریف دے داماد علی عمران دی جائیداد بارے رپورٹ عدالت وچ پیش کر دتی گئی۔
رپورٹ وچ علی عمران دے ناں اُتے ارباں رُپئے دی جائیداد دا انکشاف ہویا تے علی اینڈ کمپنی وچ 60لکھ شیئرز علی عمران دی ملکیت نکلے۔ رپورٹ دے مطابق ایم ایم عالم روڈ اُتے موجود ’علی ٹاور‘دیاں66دُکاناں تے دفتر دے مالک وی علی عمران نیں جدکہ علی اینڈ فاطمہ ڈیویلیرز دے اک کروڑ شیئرز وچوں 65لکھ علی عمران دے نیں تے اوہ مدینہ فوڈز پروسیڈ دے اک کروڑ 25لکھ شیئرز دے مالک وی نیں۔ رپورٹ وچ دسیا گیا اے کہ ڈی ایچ اے وچ دو کنال دا رہائشی پلاٹ وی علی عمران دی ملکیت وچ شامل اے۔ علی پروسیڈ ڈیویلیئرز، غوث اعظم ڈیویلیئرز تے ہور جائیداد وی اوہناں دا حصہ اے۔ ایس توں وکھ علی فوڈ پروسیڈ ڈویلیئرز وچ 50لکھ شیئرز دے مالک علی عمران تے اوہناں دی گھر والی اے۔
