ہن اسیں درود شریف پڑھ کے پھوکاں ماراں گے ،سانوں کسے چیز دی لوڑ نہیں

تحریک لبیک دے کارکناں دا پولیس گرفتاریاں اُتے دلچسپ ردعمل ساہمنے آ گیا،ویڈیو وائرل

ہن اسیں درود شریف پڑھ کے پھوکاں ماراں گے ،سانوں کسے چیز دی لوڑ نہیں
تحریک لبیک دے کارکناں دا پولیس گرفتاریاں اُتے دلچسپ ردعمل ساہمنے آ گیا،ویڈیو وائرل

کراچی(پاکستان پوائنٹ نیوز24۔نومبر۔2018ء) پچھلی رات پاکستان تحریک انصاف دی حکومت نے تحریک لبیک ولوں 25نومبر نوں د تی جان والی احتجاجی کال نوں مُکھ رکھدے ہوئے پنجاب تے خاص کر راولپنڈی توں تحریک لبیک دے کارکناں نوں گرفتار کرنا شروع کیتا جیہدے مگروں تحریک لبیک دے قائدین نوں گرفتار کرلیا گیا۔ پچھلی رات تحریک لبیک دے کارکناں مگروں تحریک لبیک دے سربراہ خادم حسین رضوی تے ہور قیادت نوں وی گرفتار کر لیا گیا۔جیہدے مگروں اسلام آباد دیاں اہم سڑکاں نوں کنٹینر لا کے بند کر دتا گیا اے۔ایس سلسلے وچ کراچی وچ موجود تحریک لبیک دے کارکناں دی گرفتاری وچ رینجرز نے وی مدد کیتی، جیہدے اُتے تحریک لبیک دے کارکناں دی اک ویڈیو سوشل میڈیا اُتے وائرل ہوئی اے۔ ویڈیو وچ تحریک لبیک دے کارکناں نے رینجرز توں بچن تے ایس صورتحال توں نکلن دا آسان حل ’پُھوکاں‘ دس دتا۔ ویڈیو وچ تحریک لبیک دے کارکناں نے اپنے نال موجود کارکناں نوں تسلی دتی تے آکھیا کہ رینجرز والے دل دے چنگے نیں،اوہناں نوں انج نہیں کرنا چاہیدا پر اوہ اپنی ڈیوٹی دی وجہ توں مجبور نیں۔ اوہناں نوں انج کرن توں انکار کرنا چاہیدا کیونکہ قیامت والے دن ایہ سارے لوک رب ساہمنے جواب دین گے۔ویڈیو وچ موجود کارکن نے سبھ نوں ہدایت کردے ہوئے آکھیا کہ تُسیں سارے درود پڑھو تے فیر ویکھو کہ مدینے والا کیہ کردا اے؟اسیں ایہو کراں گے۔ اسیں درود پڑھاں گے تے نال نال اوہناں اُتے پُھوکاں ماراں گے۔ انج کرن نال اسیں چھیتی ای ایتھوں نکل جاواں گے۔ جیہدے اُتے سارے کارکناں نے لبیک لبیک دے نعرے لانا شروع کر دتے۔