ہنگو(پاکستان پوائنٹ نیوز23۔نومبر۔2018ء) ہنگو دے علاقے لوئر اورکزئی وچ بم دھماکا ہویا اے، بم دھماکے دے نتیجے وچ موتاں دی گنتی وچ وی وادھا ہو گیا اے۔ تفصیل دے مطابق دھماکا لوئر اورکزئی دے علاقے کلایا بازار وچ ہویا۔ مڈھلی اطلاع دے مطابق دھماکے وچ 6بندے ہلاک جدکہ 20توں ودھ زخمی ہوئے۔ پر تازہ اطلاع دے مطابق دھماکے وچ ہون والیاں موتاں دی گنتی 31جدکہ 25توں 30بندے زخمی نیں، جیہناں نوں ہسپتال وچ ڈاکٹری امداد دتی جا رہی اے۔
ہسپتال وسیلیاں نے موتاں وچ ہور وادھے دا خدشہ ظاہر کیتا اے۔ میڈیا رپورٹس وچ دسیا گیا اے کہ دھماکا اک مدرسے دے مین گیٹ اُتے ہویا۔ دھماکے دی اطلاع ملدے ای پولیس تے ریسکیو حکام اوتھے اپڑے، جیہناں نے علاقے نوں گھیرے وچ لیندے ہوئے سرچ آپریشن شروع کیتا۔دوجے پاسے اج سویرے سوا 9وجے تن دہشت گرداں نے کراچی وچ موجود چینی قونصلیٹ اُتے حملے دی کوشش کیتی جیہنوں پولیس تے رینجرز نے ویلے سِر کارروائی کردے ہوئے ناکام بنا دتا۔ایس حملے دے نتیجے وچ دو پولیس اہلکاراں سنے چار بندے شہید ہوگئے۔جوابی کارروائی دے نتیجے وچ تِنوں دہشت گردی وی ہلاک ہوئے۔
