دہشت گردی تے شدت پسندی خلاف جنگ ختم نہیں ہوئی:آرمی چیف

لاہور(پاکستان پوائنٹ نیوز23۔نومبر۔2018ء) چیف آف آرمی سٹاف جنرل قمر جاوید باجوہ نے آکھیا اے کہ پاک فوج دے جوان شرپسند عناصر تے غیر ملکی دشمن طاقتاں نال نبڑ رہے نیں، دہشت گردی تے شدت پسندی دے خلاف جنگ اجے ختم نہیں ہوئی، کُجھ عناصر ملک نوں تصادم ول لیجانا چاہندے نیں۔ آئی ایس پی آر دے مطابق آرمی چیف جنرل قمر جاوید باجوہ نے اج ملتان گیریژن دا دورہ کیتا۔

ایس موقعے اُتے آرمی چیف نے آرمر فارمیشن دیاں مشقاں وی ویکھیاں۔ جنرل قمر جاوید باجوہ نے آکھیا کہ شدت پسندی دے خلاف آپریشنز مگروں استحکام لئی آپریشنز ہو رہے نیں۔ دہشت گردی تے شدت پسندی دے خلاف جنگ اجے ختم نہیں ہوئی۔ آرمی چیف نے آکھیا کہ شرپسند عناصر تے غیر ملکی طاقتاں نال لڑ رہے نیں۔ اوہناں دا کہنا سی کہ مذہبی یاں لسانی بنیاداں اُتے فساد دی کوشش کامیاب نہیں ہون دیواں گے۔ آرمی چیف نے آکھیا کہ امن، ترقی تے استحکام قانون دی پاسداری نال ای ممکن اے۔ سماجی تے اقتصادی ترقی دیاں کوششاں دی حمایت کراں گے۔