لاہور(پاکستان پوائنٹ نیوز20۔نومبر۔2018ء) سوشل میڈیا اُتے غلط خبراں دا وائرل ہونا کوئی وڈی گل نہیں اے۔ کئی ویلے مشہور بندیاں خاص کرکے سیاستداناں دا ناں خراب کرن لئی سوشل میڈیا اُتے فیک ویڈیوز دا سہارا لیاجاندا اے۔ ایسے طرحاں دی اک ویڈیو کُجھ دن پہلاں سوشل میڈیااُتے وائرل ہورہی اے۔ جیہدے وچ اک سوانی دا رو رو کے بُرا حال اے تے آکھ رہی اے کہ اج عید دا دن اے۔ پر میں ایس دن رو رہی آں تے تہاڈی وجہ توں۔ تُسیں میرا دل توڑ دتا اے پر ہن تُسیں میری زندگی وچ نہیں او، ایس لئی جو مرضی کرنا اے کرو۔ تہاڈی وجہ توں میرا سکون تباہ ہو گیا ۔ اک دن تہانوں میری ضرورقدریاد آئے گی۔
ایس ویڈیو بارے آکھیا جا رہیا اے کہ ایہ مبینہ طور اُتے شریف خاندان دے جوائی( کیپٹن (ر) صفدر دی گھر والی اے تے اوہناں دا اک پُتر وی اے۔ ایس حوالے نال گل بات کردے ہوئے مشہور پرچا کار ذوالفقار راحت دا آکھنا اے کہ ویاہ کرنا ہر کسے دا حق ہوندا اے پر جدوں ویاہ اک وڈے خاندان دا ہوئے تے فیر اوہ خبر بن جاندی اے۔ لوک ایس ویاہ نوں کئی طرحاں ویکھ رہے نیں کُجھ لوک ایہنوں سیاسی رنگ دے رہے نیں۔ ذوالفقار راحت دا ہور آکھنا سی کہ جیہڑے صاحب دے ناں نال منسوب ہو کے ایہ ویڈیو چل رہی اے اوہناں نے ایس گل نوں منیا یاں رد نہیں کیتا۔ اوہناں نے آکھیا کہ ایس سوانی دا اک بال وی اے جیہدا ناں اذہان اے۔ تے میں اگلا ناں ایس لئی نہیں لے رہیا کہ فیر بہت سارے راز کُھل جان گے۔ اوہناں دا آکھنا سی کہ اک سوانی نوں نہیں تے گھٹو گھٹ ایس بال نوں تے انصاف ملنا چاہیدا۔
