راولپنڈی(پاکستان پوائنٹ نیوز20۔نومبر۔2018ء) چیف آف آرمی سٹاف جنرل قمر جاوید باجوہ نے آکھیا اے کہ پاکستان دی عزت و سلامتی سبھ توں وڈی شے اے، پاکستان نے دہشت گردی خلاف جنگ کامیابی نال لڑی اے، اسیں فوجی، اقتصادی، سیاسی تے سماجی طور اُتے سبھ توں ودھ قربانیاں دتیاں نیں۔ دنیا دہشت گردی خلاف ساڈیاں قربانیاں نوں منے۔ پاک فوج دے شعبہ تعلقات عامہ(آئی ایس پی آر) دے مطابق آرمی چیف جنرل قمر جاوید باجوہ نے آکھیا کہ پاکستان دی عزت و سلامتی سبھ توں وڈی شے اے۔
پاکستان نے دہشت گردی خلاف جنگ کامیابی نال لڑی اے۔ پاکستان نے علاقائی استحکام لئی سبھ توں اہم کردار ادا کیتا۔ اوہناں نے آکھیا کہ دنیا نوں دہشت گردی دی جنگ وچ پاکستان دیاں خدمتاں مننیاں چاہیدیاں۔ پاکستان نے افغانستان وچ وی امن لئی سبھ توں ودھ کردار نبھایا۔ پاکستان خطے وچ امن لئی کوششاں جاری رکھے گا۔ آرمی چیف جنرل قمر جاوید باجوہ نے آکھیا کہ اسیں فوجی، اقتصادی، سیاسی تے سماجی طور اُتے سبھ توں ودھ قربانیاں دتیاں نیں۔ دنیا دہشت گردی خلاف ساڈیاں قربانیاں نوں منیا کرے۔
