لاہور(پاکستان پوائنٹ نیوز20۔نومبر۔2018ء) پنجاب حکومت نے کفایت شعاری دے دعویاں نوں ہوا وچ اُڈا دتا۔ وزیراں دے گھر دی مرمت لئی 72لکھ رُپئے دے منظوری دے دتی گئی۔ عمار یاسر دے گھر لئی 8لکھ، راجا بشارت، فیاض الحسن چوہان، حافظ ممتاز، سنے اہم رہنماواں دے گھراں دی مرمت لئی لکھاں رُپئے دی منظوری دے دتی گئی اے۔ میڈیا رپورٹس وچ ہور دسیا گیا اے کہ وزیر اعلا پنجاب نوں گھلی گئی سمری وچ وزیراں دے گھراں دی مرمت لئی اک کروڑ توں ودھ پیسیاں دا آکھیا گیا پر وزیر اعلا عثمان بزدار نے اوہنوں گھٹ کر کے 70لکھ رُپئے دی منظوری دتی۔
جدکہ ایہ پیسے اوہ نیں جو مختص کیتے گئے بجٹ توں وکھ نیں۔ وزیراں دیاں رہائش گاہواں اُتے بیتے ویلے وچ بہت پیسہ خرچ کیتا گیا سی تے ایہ بہت چنگی حالت وچ سن پر ایہدے مگروں وی گھراں نوں ہور سجان لئی لکھاں رُپئے دی منظوری دے دتی گئی اے۔ فیاض الحسن چوہان دے گھر دی مرمت لئی 6لکھ رُپئے جاری کیتے گئے نیں۔پنجاب کابینہ نے وزیر اعلا پنجاب نوں سمری گھلی سی جیہدے مگروں وزیر اعلا عثمان بزدار نے 72لکھ رُپئے دی منظوری دے دتی۔
